Gwelet an tarzh evit Coulomb

Ar '''c'houlomb''' (simbol : '''C''') eo an unanenn [[karg elektrek]] er [[sistem unanennoù etrebroadel]] (SI). Un [[unanenn deveret diouzh ar sistem etrebroadel|unanenn deveret]] eo.

Dont a ra e anv diwar ar [[fizik]]our [[Frañs|gall]] [[Charles de Coulomb]].

Bez' eo ar c'hementad [[elektregezh]] a dreuz un troc'h eus ur c'honduer a red ennañ un [[red elektrek]], 1 [[amper]] e fonnder, e-pad 1 [[segondenn]] (1 A.s).

== Karg elfennel ==

Talvezout a ra ar [[karg elfennel|garg elfennel]] ''e'':
* <math>e \approx 1,602.10^{-19} \mathrm{C}</math>.<br /> -''e'' e talv karg an elektron, ha +''e'' hini ar proton.

== Unanennoù karg all ==

Kemeret en deus plas an unanenn ''franklin'' (notet '''Fr'''), diwar anv ar fizikour [[Stadoù-Unanet Amerika|amerikan]] [[Benjamin Franklin]]. Graet e veze implij eus an unanenn-se er sistem [[CGS]].
:: 1 franklin a dalveze 0,3336&nbsp;×&nbsp;10<sup>-9</sup>&nbsp;C.

En [[elektrokimiezh]] e vez implijet c'hoazh ar ''faraday'' (notet '''F''') diwar anv ar fizikour [[Rouantelezh Unanet Breizh-Veur ha Norzhiwerzhon|saoz]] [[Michael Faraday]]. Liesad ar [[karg elfennel|garg elfennel]] dre [[niver Avogadro]] eo.
:: 1 faraday a dalv 96&nbsp;485&nbsp;C.

== Renkoù braster ==

Hervez [[lezenn Coulomb]] e vez embreget un nerzh 9&nbsp;×&nbsp;10<sup>9</sup>&nbsp;[[newton (unanenn)|N]] an eil war eben gant div garg poentheñvel pep a ur c'houlomb dezho ha war-hed ur [[metr]] an eil diouzh eben, da lavaret eo war-dro [[pouez]] nav c'hant mil (900&nbsp;000) [[tonenn (mas)|donenn]]. Un unanenn kalz re vras eo neuze ar c'houlomb evit ezteurel kementadoù kargoù statikel ha setu e vez graet gant e [[Rakgerioù ar sistem unanennoù etrebroadel|ranngementadoù]] e-giz ar mikrocoulomb (µC) pe an nanocoulomb (nC).

== Gwelet ivez ==
* [[Elektrostatik]]

<!--Rummadoù-->


[[Rummad:Unanennoù an elektromagnetegezh]]
[[Rummad:Unanennoù SI]]