Niver pementadel eilrenk

El loc'honiezh pementadel e reer niver pementadel eilrenk pe niver pementadel azimutel, aroueziet dre $\ell$ ("ell"), eus unan eus ar pevar niver pementadel a zeskriv stad pementadel un elektronenn en un atomenn.
Un niver naturel null pe vuiel (0, 1, 2, 3...) eo $\ell$, a dermen lankad fiñvad un elektronenn hag a zeskriv stumm e amestez en atomenn.

Orin

Lankad fiñvad amestez un elektronenn hervez talvoudegezh $\hslash$

Ne dro ket un elektronenn tro-dro da graoñell un atomenn evel ma ra an Douar tro-dro d'an Heol, Ur gevreizhenn wagenn eo an amestez kentoc'h, a zo termenet gant pevar niver pementadel a zo liammet gant stadoù un elektronenn : an niver pennañ n (gremm ar wagenn), an niver eilrenk $\ell$ (lankad fiñvad ar wagenn), an niver gwarellel m_$\ell$ (tuadur ar wagenn) hag an niver spin s (c'hwel an elektronenn).

Ar fizikour Erwin Schrödinger a ziluzias ar gevreizhenn wagenn dre deir c'hevatalenn a gasas d'an tri niver kentañ, a zo kenliammet neuze. An niver pementadel eilrenk $\ell$ a zeuas war wel e rann vleinel ar gevreizhenn, diazezet war ar c'henurzhiennoù pellennek. Setu amañ penaos e vez liammet lankad fiñvad $L$ un elektronenn gant he niver pementadel eilrenk $\ell$ :

${𝐋}^2\mathrm{\Psi }={\hslash }^2\ell (\ell +1)\mathrm{\Psi }$

m'eo ${𝐋}^2$ niñvader al lankad fiñvad, $\hslash$ arstalenn Planck krennet, ha $\mathrm{\Psi }$ kevreizhenn wagenn an elektronenn.

Aesoc'h eo deskrivañ amestez un elektronenn dre $\ell$ hepken.

Is-gwiskadoù evit an niver pementadel eilrenk $\ell$

$\ell$ =	Is-gwiskad	Arouez	Muiañ niver a elektronennoù	Anv	Stumm
0	An holl	s	2	Patrom:En sharp	Pellenn
1	An 2Patrom:Vet ha pelloc'h	p	6	Patrom:En principal	Tri amestez e stumm halterioù a-lenenn gant ar bleinoù $x$, $y$ ha $z$ (ahelioù + ha -)
2	An 3Patrom:Vet ha pelloc'h	d	10	Patrom:En diffuse	Nav halter hag ur gurunenn — Gwelit ar skeudenn.
3	Ar 4Patrom:Vet ha pelloc'h	f	14	Patrom:En fundamental	Gwelit kreiz linenn izelañ ar skeudenn
4	Ar 5Patrom:Vet ha pelloc'h	g	18		(diouganet hepken eo $\ell$ = 4)
5	Ar 6Patrom:Vet ha pelloc'h	h	22		(diouganet hepken eo $\ell$ = 5)
6	Ar 7Patrom:Vet ha pelloc'h	i	26		(diouganet hepken eo $\ell$ = 6)
Goude al lizherenn f e heulier urzh al lizherenneg, war-bouez j hag al lizherennoù a zo bet implijet dija.
An is-gwiskadoù s, p, d ha f Muiel (+) eo an takadoù glas ha leiel (-) ar re velen.